ब्लॉगपोस्टमधे त्रयस्थ ठिकाणाहून इमेजची लिंक देताना डायरेक्ट लिंक (Direct Link) वापरावी असं मी इमेजेस सेव्ह करण्यासाठी पाच अग्रगण्य नि:शुल्क साईट्स या लेखात म्हटलं होतं. आता तुम्ही म्हणाल की, नुसती डायरेक्ट लिंक कॉपी पेस्ट केली तर लिंक जशीच्या तशी पोस्टमधे दिसतेय, चित्र किंवा इमेज काही दिसत नाही. तर त्यासाठी तुम्हाला या लिंकसोबत एक कोड जोडावा लागेल म्हणजे तुम्हाला लिंकच्या जागी इमेज दिसू लागेल.

हे काम खूप कटकटीचं वाटतं का? पण अशा प्रकारे इमेजची लिंक दिल्यामुळे तुमची पिकासावरची जागा रिकामी रहाते, जी तुम्ही अतिमहत्त्वाच्या फोटोंसाठी वापरू शकता. शिवाय जेव्हा तुम्ही कॉम्प्युटरवरून ब्लॉगवर थेट इमेज चढवता, तेव्हा तिथेही आपसूकच एक कोड वापरला जातो, तुम्हाला मात्र तसा कोड वापरला गेला आहे, हे Edit Html या पर्यायात गेल्याशिवाय कळत नाही.

हा कोड असा असतो : <img src="http://your image direct link.jpg">

वरच्या कोडमधील http://your image direct link.jpg – या ठिकाणी तुमच्या इमेजची डायरेक्ट लिंक कॉपी पेस्ट करा म्हणजे तुमची डायरेक्ट लिंक इमेज मधे परिवर्तित होईल.